காங்கிரஸ் கட்சியில் இணைந்த பஜ்ரங் புனியாவுக்கு கொலை மிரட்டல் - நடந்தது என்ன?

காங்கிரஸ் கட்சியில் இணைந்த மல்யுத்த வீரர் பஜ்ரங் புனியாவிற்கு அடையாளம் தெரியாத நபர்கள் கொலை மிரட்டல் விடுத்துள்ளனர்.

மல்யுத்த வீரரான பஜ்ரங் புனியா சில தினங்களுக்கு முன்பு காங்கிரஸ் கட்சியில் இணைந்தார். அவருக்கு விவசாயப் பிரிவு செயல் தலைவர் பொறுப்பு வழங்கப்பட்டது. இந்நிலையில், பஜ்ரங் புனியாவிற்கு வாட்ஸ் அப் மூலம் கொலை மிரட்டல் விடுக்கப்பட்டுள்ளது.

அதில், காங்கிரஸ் கட்சியை விட்டு விலக வேண்டும் என அடையாளம் தெரியாத நபர்கள் குறுஞ்செய்தி அனுப்பியுள்ளனர். வெளிநாட்டு எண்ணில் இருந்து வந்த மிரட்டல் தொடர்பாக பஜ்ரங் புனியா சோனிபெட் மாவட்டத்தில் உள்ள பாஹல்கர்க் காவல் நிலையத்தில் அளித்த புகாரின் பேரில் காவல்துறையினர் விசாரணை மேற்கொண்டுள்ளனர்.