டெல்லியில் இந்திய ராணுவ தின நிகழ்ச்சி ஒத்திகையின் போதும், கயிறு அறுந்து வீரர்கள் கிழே விழுந்த சம்பவம் அதிர்ச்சியை ஏற்படுத்தியுள்ளது.
ஆண்டு தோறும் ஜனவரி 15 ஆம் தேதி இந்திய ராணுவ தினம் அனுசரிக்கப்படுகிறது. நாட்டுக்காக உயர்நீத்த வீரர்களுக்கு மரியாதை செலுத்தும் விதமாக ஜனவரி 15 ஆம் தேதி இந்திய ராணுவ தினம் கடைப்பிடிக்கப்படுகிறது. டெல்லியில் இதற்கான நிகழ்ச்சி ஒத்திகையில், ராணுவ வீரர்கள் தீவிரமாக ஈடுபட்டு வருகின்றனர். இந்நிலையில் ஒத்திகையின் போது மூன்று ராணுவ வீரர்கள் கயிறு அறுந்து கீழே விழுந்த வீடியோ ஒன்று வெளியாகி உள்ளது.
இந்த வீடியோவில் வீரர்கள், ஹெலிகாப்டரில் இருந்து கயிறு மூலம் கீழே குதிக்கும் சாகச நிகழ்ச்சியின் ஒத்திகையில் ஈடுபட்டனர். ஒவ்வொருவராக கயிறு மூலம் கிழே குதிக்க முயற்சிக்கும் போது திடீரென்று அந்த கயிறு அறுந்து விடுகிறது. இதனால் கயிற்றை பிடித்தபடியே இருந்த மூன்று வீரர்களும் கீழே விழுந்துவிடுகின்றனர். கீழே விழுந்த அவர்களுக்கு கை மற்றும் கால்களில் பலத்த காயம் ஏற்பட்டுள்ளது. மேலும், விபத்தில் காயமடைந்த அவர்களுக்கு தீவிர சிகிச்சை அளிக்கப்பட்டு வருகிறது.