ரஃபேல் போர் விமான ஒப்பந்தம் தொடர்பாக, உச்சநீதிமன்றம் இவ்வளவு தூரம் தலையிடுவது தேவையற்றது என்று மத்திய அரசு தெரிவித்துள்ளது.
பிரான்சிடம் இருந்து ரஃபேல் போர் விமானங்களை வாங்குவதில் முறைகேடு நடப்பதாகவும், இத்துறையில் அனுபவம் இல்லாத ரிலையன்ஸ் நிறுவனத்துக்கு ஒப்பந்தம் அளிக்கப்பட்டதாகவும் கூறி பிரசாந்த் பூஷண், எம்.எல்.சர்மா உள்ளிட்டோர் தரப்பில் தொடரப்பட்ட மனுக்கள் உச்சநீதிமன்ற தலைமை நீதிபதி ரஞ்சன் கோகாய் அமர்வு முன்னிலையில் விசாரணைக்கு வந்தது.
அப்போது, உச்சநீதிமன்ற தலைமை நீதிபதி, மத்திய அரசு வழக்கறிஞர்கள் மற்றும் மனுதாரர்கள் தரப்பில் அனல் பறக்கும் வாதங்கள் நடைபெற்றன.
நீதிமன்றத்தில் நடைபெற்ற வாதங்கள் :-
எம்.எல்.ஷர்மா வாதம்:-
36 விமானங்களை வாங்குவதாக அறிவித்து விட்டு, பின்னர்தான் மத்திய அரசு பேரத்தில் ஈடுபட்டுள்ளது, இதனை அவர்களின் பிராமணப்பத்திரம் மூலம் தெரிந்து கொள்ள முடிகிறது, எந்த ஒப்பந்தமும் இல்லாமல் இத்தனை பெரிய பாதுகாப்பு தொடர்பான அறிவிப்பை ஒரு பிரதமர் எப்பபடி அறிவிக்கலாம்
வழக்கறிஞர் பிரசாந்த் பூஷன் வாதம்:
மற்ற மனுதாரர் தரப்பு வாதங்கள்:-
மத்திய அரசு தலைமை வழக்கறிஞர் கே.கே.வேணுகோபால் வாதம்:-
தலைமை நீதிபதி உத்தரவும், தலைமை வழக்கறிஞரின் எதிர்ப்பும்:-
வாதங்களை கேட்ட தலைமை நீதிபதி ரஞ்சன் கோகாய் “இது தொழில்நுட்பம் சார்ந்த விவகாரம் என்பதால், இந்திய விமானப் படை அதிகாரிகள் யாரேனும் நீதிமன்றத்தில் உள்ளார்களா?” கேள்வி எழுப்பினார். அதற்கு பதிலளித்த தலைமை வழக்கறிஞர் “ பாதுகாப்பு துறை அதிகாரிகள் உங்கள் கேள்விகளுக்கு விளக்கம் கொடுப்பார்கள்” என்றார். கோபமடைந்த தலைமை நீதிபதி “ விமானப்படை அதிகாரிகளை வரச் சொல்லுங்கள், இது அவர்கள் தொடர்பான வழக்கில்லையா?” என்றார்.
விமானப்படை அதிகாரி அழைக்கப்பட்டதற்கு, மத்திய அரசின் வழக்கறிஞர் கடும் எதிர்ப்பு தெரிவித்தார். விமான ஒப்பந்தம் என்பது அரசின் கொள்கை முடிவு, நீதிமன்றம் தலையிட முடியாது என்றும் நீதிமன்றம் இந்த விவகாரத்தை இவ்வளவு தூரம் விவாதிப்பதே தேவையற்றது என்றும் அவர் வாதிட்டார்.
இதனையடுத்து, விமானப்படை மூத்த அதிகாரிகள் இருவர் உச்சநீதிமன்றத்தில் ஆஜராகி விளக்கம் அளித்து வருகின்றனர்.
இதனிடையே, ரஃபேல் விலைப்பட்டியல் விவகாரத்தை பொதுவெளியில் வெளியிடலாமா என்ற முடிவுக்கு நீதிமன்றம் வரும் வரை, விலைப்பட்டியல் குறித்த விவாதங்கள் இருக்காது என்று நீதிபதிகள் திட்டவட்டமாக தெரிவித்தனர்.