இந்தியாவில் கடந்த 3 ஆண்டுகளில் போலீஸ் கஸ்டடியில் 348 பேர் உயிரிழந்துள்ளனர் என மத்திய உள்துறை அமைச்சக தகவல்கள் தெரிவித்திருக்கிறது.
மத்திய உள்துறை அமைச்சகம் வெளியிட்டிருக்கும் இந்த தகவல்களின்படி, இந்தியாவில் 2018-19 ஆம் ஆண்டில், போலீஸ் கஸ்டடியில் 136 பேர் உயிரிழந்தனர். மேலும் கஸ்டடியில் சித்திரவதைக்கு ஆளானோர் எண்ணிக்கை 542 பேர் எனவும் தெரிவிக்கப்பட்டுள்ளது.
2019-20 ஆம் ஆண்டில் போலீஸ் கஸ்டடியில் மரணமடைந்தோர் எண்ணிக்கை 112 ஆகவும், கஸ்டடியில் சித்திரவதை செய்யப்பட்டவர்கள் எண்ணிக்கை 411ஆகவும் உள்ளது. அதுபோல 2020-21 ஆம் ஆண்டில் போலீஸ் கஸ்டடியில் மரணமடைந்தோர் எண்ணிக்கை 100 ஆகவும், கஸ்டடியில் சித்திரவதைக்கு ஆளானோர் எண்ணிக்கை 236 ஆக உள்ளது என்று தெரிவிக்கப்பட்டிருக்கிறது.