உத்தரப்பிரதேசத்தில் லாரி மீது மோதிய விபத்தில் பேருந்து தீப்பிடித்து எரிந்தது. இந்த விபத்தில் பேருந்தில் இருந்த 20 பேர் பரிதாபமாக உயிரிழந்ததனர்.
உத்தரப்பிரதேசத்தின் ஃபருக்காபாத்தில் இருந்து ராஜஸ்தானின் ஜெய்ப்பூர் நோக்கி 45 பயணிகளுடன் சொகுசுப் பேருந்து ஒன்று சென்று கொண்டிருந்தது. கணோஜ் மாவட்டத்தில் உள்ள சிலோய் பகுதியில் பேருந்து எதிர்பாராத விதமாக லாரி மீது மோதியது. இதில் பேருந்து தீப்பிடித்து எரிந்தது. பயணிகள் பலர் வெளியேற முடியாமல் தவித்தனர். சிலர் பேருந்தில் இருந்து குதித்து தப்பினர்.
இந்த விபத்தில் 20 பேர் வரை உயிரிழந்திருப்பதாக கணோஜ் மாவட்ட காவல்துறை கண்காணிப்பாளர் தெரிவித்துள்ளார். மேலும் 21 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர். உயிரிழந்தவர்களின் குடும்பத்தினருக்கு தலா 2 லட்சமும், காயமடைந்தவர்களுக்கு தலா 50 ஆயிரம் ரூபாயும் நிவாரணம் வழங்கப்படும் என உத்தரப்பிரதேச முதலமைச்சர் யோகி ஆதித்யநாத் தெரிவித்துள்ளார்.