13 ஆண்டுகளுக்கு முன்பு தடை விதிக்கப்பட்ட மருந்து தற்போதும் குழந்தைகளுக்கு பரிந்துரைக்கப்பட்டு வருவதால் மருத்துவர்களுக்கு விழிப்புணர்வு ஏற்படுத்தும் முயற்சி மேற்கொள்ளப்பட்டுள்ளது.
நிம்சுலைடு எனும் வலி நிவாரணி மருந்து, கல்லீரல் பாதிப்பை ஏற்படுத்தும் வேதிப்பொருளை உருவாக்குவது தெரியவந்தது. இதையடுத்து, இந்த மருந்தை 12 வயதுக்கு உட்பட்ட குழந்தைகளுக்கு வழங்க மத்திய சுகாதாரத்துறை அமைச்சகம் (13 ஆண்டுகளுக்கு முன்பு) தடை விதித்திருந்தது.
இந்த நிலையில், இந்திய மருந்து தயாரிப்பு நிறுவனங்களை கண்காணிக்கும் ஐ.பி.சி. சமீபத்தில் நடத்திய ஆய்வில், நிம்சுலைடு மருந்து தற்போதும் குழந்தைகளுக்கு வழங்கப்பட்டு வருவது தெரியவந்தது. இதையடுத்து போஸ்டர்கள் மூலம், மருத்துவர்களுக்கு விழிப்புணர்வு ஏற்படுத்தும் முயற்சியில் மருந்து தயாரிப்பு நிறுவனங்கள் ஈடுபட்டுள்ளன. இப்போதுவரை இம்மருந்துகள் விநியோகத்தில் இருப்பது, அதிர்வலைகளை ஏற்படுத்தியுள்ளது.