தமிழக காவல்துறையில், உதவி காவல் ஆய்வாளர் பணி தேர்வுக்கான அறிவிப்பாணை வெளியாகியுள்ளது. மொத்தம் 969 காலிப்பணியிடங்களுக்கு தமிழ்நாடு சீருடைப் பணியாளர் தேர்வுக்குழுமம் இந்த தேர்வினை நடத்துகிறது.
பணிகள் மற்றும் காலிப்பணியிடங்கள்:
சப் - இன்ஸ்பெக்டர் ஆப் போலீஸ் (TK) - 660
சப் - இன்ஸ்பெக்டர் ஆப் போலீஸ் (AR) - 276
சப் - இன்ஸ்பெக்டர் ஆப் போலீஸ் (TSP) - 33
முக்கிய தேதிகள்:
அறிவிப்பு வெளியான தேதி: 08.03.2019
ஆன்லைனில் விண்ணப்பிக்க தொடங்கும் நாள்: 20.03.2019
ஆன்லைனில் விண்ணப்பிக்க கடைசி நாள்: 19.04.2019
எழுத்துத் தேர்வு நடைபெறும் நாள் பின்னர் அறிவிக்கப்படும்.
சம்பளம்:
தேர்வு செய்யப்பட்டு பணியில் சேர்வோருக்கு ரூ.36,900 முதல் ரூ.1,16,600 வரை மாதம் சம்பளமாக வழங்கப்படும்.
தேர்வுக்கட்டணம்:
பொது பிரிவினர் மற்றும் துறை சார்ந்தவர்கள்: ரூ.1,000
மற்ற அனைத்து பிரிவினர்கள் : ரூ.500
தேர்வுக்கட்டணம் செலுத்தும் முறை:
ஆன்லைன் மற்றும் ஆஃப்லைன் இரண்டிலுமே தேர்வுக்கட்டணத்தை செலுத்தலாம்.
ஆன்லைனில் இன்டர்நெட் பேங்கிங் அல்லது டெபிட் அல்லது கிரெடிட் கார்டு மூலம் தேர்வுக்கட்டணத்தை செலுத்தலாம். ஆஃப்லைனில் எஸ்.பி.ஐ சல்லான் மூலமாக தேர்வுக்கட்டணத்தை செலுத்தும் வசதியும் உண்டு.
வயது வரம்பு:
குறைந்தபட்சம் 18 வயது நிரம்பியவராகவும், அதிகபட்சம் 28 வயதுக்குள்ளும் இருத்தல் வேண்டும். பிரிவு வாரியாக வயது வரம்பில் மாற்றங்கள் உண்டு.
கல்வித்தகுதி:
விண்ணப்பதாரர்கள், அங்கீகரிக்கப்பட்ட கல்வி நிறுவனத்தில் ஏதேனும் ஒரு பட்டப்படிப்பில் தேர்ச்சி பெற்றவர்கள் இந்த தேர்விற்கு தகுதியானவர்கள்.
குறிப்பு:
1. 10 ஆம் வகுப்பு தேர்ச்சி பெறாமல் அதற்கு மேற்பட்ட கல்வித்தகுதியினைப் பெற்றிருந்தால் விண்ணப்பிக்க தகுதியற்றவர்களாவர்.
2. 10 / 12 ஆம் வகுப்பில் தமிழை ஒரு பாடமாக எடுத்து படிக்காமல் தேர்ச்சி பெற்றவர்கள், தமிழ்நாடு அரசு பணியாளர் தேர்வாணையத்தால் நடத்தப்படும் இரண்டாம் நிலைத் தேர்வை, பணியில் சேர்ந்த நாளிலிருந்து இரண்டாண்டிற்குள் தேர்ச்சி பெற வேண்டும்.
3. 10+2+3 என்ற முறையில் பயிலாமல், திறந்த நிலை பல்கலை கழகங்களில் பயின்று பட்டம் பெற்றவர்கள் இதற்கு தகுதியற்றவர்களாவர்.
விண்ணப்பிக்கும் முறை:
ஆன்லைனில் மட்டுமே இத்தேர்வுக்கு விண்ணப்பிக்க முடியும்.
ஆன்லைனில் தமிழ்நாடு சீருடைப் பணியாளர் தேர்வுக்குழுமத்தின், www.tnusrbonline.org - என்ற இணையத்தளத்தில் சென்று விண்ணப்பிக்கலாம்.
மேலும், இது குறித்த முழு தகவல்களைப் பெற,
http://www.tnusrbonline.org/pdfs/SI_TKARTSP_2019_Notification.pdf - என்ற இணையத்தளத்தில் சென்று பார்க்கலாம்.