தமிழ்சினிமாவில் திறமைமிக்க நடிகர்களில் ஒருவர் விஷ்ணு விஷால். அவர் நடிப்பில் வெளிவந்த ராட்சசன் படம் பெரும்வெற்றிபெற்றது. எப்போதும் சமூக ஊடகங்களில் தன் கருத்துக்களை பதிவிட்டுக்கொண்டே இருக்கும் விஷ்ணு, சமீபத்தில் ஹைதராபாத் சாலையில் பிரச்னை செய்பவர்களின் வீடியோ ஒன்றை வெளியிட்டுள்ளார்.
தற்போது ஹைதராபாத் சென்றுள்ள விஷ்ணு, அங்கு ஓர் சாலையில், கார் கதவுகளின் வழியாக இரண்டு இளைஞர்கள் வெளியே உடலை நீட்டி நின்றபடி செல்கின்ற வீடியோவை வெளியிட்டுள்ளார். அதில், “நம் நாட்டின் படித்த இளைஞர்கள்... நான் இப்படி செய்யமாட்டேன். ஆனால் இதை பதிவுசெய்கிறேன் என்றால், இந்த இளைஞர்கள் தங்களின் வாழ்க்கையை மட்டுமல்ல, மற்ற பயணிகளுக்கும் பிரச்னை உண்டாக்கும் வகையில், தேவையில்லாத செயலில் ஈடுபடுகிறார்கள். ஹைதராபாத் போலீஸ் இதை கவனிக்க வேண்டும்” எனக் குறிப்பிட்டுள்ளார்.
பிரபு சாலமன் இயக்கத்தில், விஷ்ணு விஷால் நடித்திருக்கும் காடன் திரைப்படம் விரைவில் வெளிவர இருக்கிறது. இதுதவிர, ஜகஜால கில்லாடி, எஃப்.ஐ.ஆர் மற்றும் மோகன் தாஸ் போன்ற படங்களில் பிஸியாக இருக்கிறார்.