விஜய் சேதுபதி நடிகை காயத்ரி 6-வது முறையாக ஜோடியாக நடிக்க ஒப்பந்தமாகி இருக்கிறார்.
`ஆரண்ய காண்டம்' படத்தை இயக்கிய தியாகராஜன் குமாரராஜா இயக்கத்தில் தற்போது உருவாகி வரும் படம் `அநீதிக்கதைகள்'. விஜய் சேதுபதி - சமந்தா - பகத் பாஷில் முன்னணி கதாபாத்திரத்தில் நடித்து வரும் இந்த படத்தில் முக்கிய கதாபாத்திரத்தில் நடிக்க நடிகை காயத்ரி ஒப்பந்தமாகி இருக்கிறார். அநீதிக்கதைகள் படத்தில் நடிப்பதன் மூலம் ஆறாவது முறையாக விஜய் சேதுபதியுடன், காயத்ரி இணைந்து நடிக்க இருக்கிறார். முன்னதாக விஜய் சேதுபதியுடன் நடுவுல கொஞ்சம் பக்கத்த காணோம்', ரம்மி, புரியாத புதிர் உள்ளிட்ட படங்களில் நடித்துள்ளார். புரியாத புதிர் கடந்த வெள்ளிக்கிழமை ரிலீசானது. அடுத்து விஜய் சேதுபதியுடன் இணைந்து ஒரு நல்ல நாள் பாத்து சொல்றேன், சீதக்காதி உள்ளிட்ட படங்களிலும் காயத்ரி நடித்து வருகிறார். குறிப்பிட்ட காலகட்டத்திற்கு ஒரே நடிகருடன் 6 படங்களில் காயத்ரி ஜோடி சேர்ந்து நடித்திருப்பது சமீபத்திய சாதனையாக கருதப்படுகிறது.