பிரபல இந்தி நடிகர் ஹிருத்திக் ரோஷன், தற்போது நடித்து வரும் புதிய படத்திற்காக ஜெய்ப்பூர் ரோட்டில் அப்பளம் விற்கும் புகைப்படம் தற்போது வைரலாகி வருகிறது.
விகாஷ் பால் இயக்கத்தில் ஹிருத்திக் ரோஷன் ‘சூப்பர் 30’ என்ற படத்தில் நடித்து வருகிறார். இந்தப் படத்தில், முருனல் தாகூர், ஆதித்யா, பங்கஜ் திரிபாதி உள்ளிட்ட பலர் நடித்து வருகின்றனர். இப்படம் கணித மேதை ஆனந்த் குமாரின் வாழ்க்கை வரலாறு படமாக உருவாகி வருகிறது. இந்தப் படத்துக்காக ராஜஸ்தான் மாநிலம் ஜெய்ப்பூரில், சைக்கிளில் தெருத்தெருவாக அப்பளம் விற்பவர் போல் நடித்துள்ளார் ஹிருத்திக் ரோஷன்.
இந்தப் புகைப்படங்கள் சமூக வலைதளங்களில் வைரலாகி வருகிறது. சூப்பர் 30 திரைப்படம் அடுத்தாண்டு ஜனவரி 25 ஆம் தேதி வெளியாகும் என எதிர்பார்க்கப்படுகிறது.