நடிகர் விஜய் நடித்துள்ள சர்க்கார் படத்தின் ‘ஒருவிரல்புரட்சி’ என்ற பாடல் வெளியாகியுள்ளது.
நடிகர் விஜய் நடிக்க ஏ.ஆர்.முருகதாஸ் இயக்கத்தில் உருவாகி வரும் படம் ‘சர்க்கார்’. இந்த திரைப்படத்தில் விஜய்க்கு ஜோடியாக கீர்த்தி சுரேஷ் நடித்துள்ளார். ஏ.ஆர். ரஹ்மான் இசையமைத்துள்ளார். படத்தின் இசை வெளியீட்டு விழா அக்டோபர் 2ம் தேதி சென்னையில் உள்ள தனியார் கல்லூரியில் நடைபெற உள்ளதாக அறிவிப்பு வெளியாகியுள்ளது. படத்தின் சிமிட்டாங்காரன் என்ற பாடல் வெளியாகி ரசிகர்களிடையே கலவையான விமர்சனங்களை பெற்றுள்ளது. இருப்பினும் அந்த பாடலை யூ டியூப்பில் 13 மில்லியனுக்கும் அதிகமானோர் கண்டு ரசித்துள்ளனர்.
இந்நிலையில் படத்தின் மற்றொரு பாடலான '' ஒரு விரல் புரட்சி'' என்ற பாடல் வெளியாகியுள்ளது. 5.30 நிமிடங்கள் உள்ள இந்தப் பாடலில் ஓட்டுப்போடுவதன் முக்கியத்துவம், நாட்டின் நிலை மற்றும் அரசியல் தொடர்பான வரிகள் இடம்பெற்றுள்ளன. அத்துடன் இளைஞர்களுக்கு கருத்து சொல்லும் வகையில் இந்தப் பாடல் எழுதப்பட்டிருப்பது தெரிகிறது. இந்தப் பாடலை விஜய் ரசிகர்கள் வேகமாக பரப்பி வருகின்றனர்.