அதர்வா நடிக்கும் படத்தை இயக்க இருப்பதாக, இயக்குனர் ஆர். கண்ணன் சொன்னார்.
’ஜெயம்கொண்டான்’, ’கண்டேன் காதலை’, 'வந்தான் வென்றான்'’, ‘சேட்டை’, ’ஒரு ஊர்ல ரெண்டு ராஜா’, ‘இவன் தந்திரன்’ படங்களை இயக்கியவர் ஆர். கண்ணன்.
அவர் கூறும் போது, ‘நான் இயக்கிய ’இவன் தந்திரன்’ படம் நல்ல வரவேற்பை பெற்றது. இந்தப் படத்தை தெலுங்கில் ரீமேக் செய்கிறேன். அடுத்து அதர்வா ஹீரோவாக நடிக்கும் படத்தை இயக்குகிறேன். இது ஆக்ஷன் டிராமா கதையை கொண்ட படம். துடிப்புமிக்க இளைஞராக அதர்வா நடிக்கிறார். ஹீரோயின் முடிவாகவில்லை. காமெடிக்கும் முக்கியத்துவம் இருக்கிறது. ஜனவரியில் திருநெல்வேலியில் ஷூட்டிங் தொடங்குகிறது. பிரசன்னா ஒளிப்பதிவு செய்கிறார். ’அர்ஜூன் ரெட்டி’ படத்துக்கு இசை அமைத்த ரத்தன் இசை அமைக்கிறார்’ என்றார்.