நடிகர் அமிதாப் பச்சன் நடித்த பாலிவுட் திரைப்படம் ‘பிங்க்’, தமிழில் நேர்கொண்ட பார்வை என்ற பெயரில் ரீமேக் செய்யப்பட்டு வெளியானது. நடிகர் அஜித் குமார் தமிழில் நடித்த இந்தப் படத்தை, ‘சதுரங்கவேட்டை’, ‘தீரன் அதிகாரம் ஒன்று’ ஆகிய படங்களை இயக்கிய வினோத் இயக்கி இருந்தார். படத்தை நடிகை ஸ்ரீதேவியின் கணவர் போனி கபூர் தயாரித்தார். இந்தப் படம் போனி கபூரின் தயாரிப்பு நிறுவனத்திற்கு தமிழின் முதல் படமாகும்.
நேர்கொண்ட பார்வை தமிழில் பெரும் வரவேற்பு கிடைத்தது. இதனையடுத்து தெலுங்கிலும் இந்தப் படம் ரீமேக் செய்யப்படவுள்ளது. தெலுங்கிலும் போனி கபூர் தயாரிக்கிறார். தெலுங்கில் முன்னணி கதாநாயகரும் ஜன சேனா கட்சியின் தலைவருமான பவன் கல்யாண் நடிக்கிறார். இந்தப் படத்தை தெலங்கில் முக்கிய இயக்குநர்களில் ஒருவரான ஸ்ரீராம் வேணு இயக்குகிறார். திரிவிக்ரம் படத்தின் வசனங்களை எழுதுகிறார் என தகவல் வெளியாகியுள்ளது.