ராஜ்கிரணுடன் இணையும் நயன்தாரா!

இயக்குநர் ஈரம் அறிவழகன் அடுத்து இயக்க உள்ள படத்தில் நயன்தாரா, ராஜ்கிரனுடன் இணைந்து நடிக்க உள்ளார்.

குற்றப்பின்னணியைக் கொண்டு கதையமைப்பதில் கைதேர்ந்தவர் அறிவழகன். குற்றம் 23 படத்திற்கு பிறகு மலையாள நடிகை மஞ்சுவாரியரை வைத்து ஒரு படத்தை இயக்க திட்டமிட்டு இருந்தார். நாயகியை மையப்படுத்தி உருவாக உள்ள த்ரில்லர் படமான இதில், திலீப் சிறை சென்ற விவகாரத்தால் மஞ்சுவாரியர் விலகியதாகக் கூறப்படுகிறது. இந்நிலையில் இந்தப் படத்தில் நயன்தாரா நடிக்க உள்ளதாக கூறப்படுகிறது. நயன்தாராவுடன் முக்கிய பாத்திரத்தில் ராஜ்கிரண் நடிக்க ஒப்பந்தமாகி இருக்கிறார். சென்னையில் அலுவலகம் அமைத்து ஏற்கெனவே படப்பிடிப்பிற்கான முன்னேற்பாடுகள் நடைபெற்று வருகிறது. நயன்தாரா ஏற்கெனவே பல படங்களில் நடித்து வருகிறார். தற்போது அவர், அறம், வேலைக்காரன், இமைக்காநொடிகள், கொலையுதிர் காலம், தமிழ், தெலுங்கு, மாலையாளத்தில் உருவாகி வரும் சைரா நரசிம்மரெட்டி, தெலுங்கில் ஆரடகுல புல்லட், பாலகிருஷ்ணாவுடன் பெயரிடப்படாத ஒரு படம், மலையாளத்தில் லவ் ஆக்சன் ட்ராமா ஆகிய படங்களில் நடித்து வருகிறார்.