பிரபல நடிகரும் , மாடலுமான மிலிந்த் சோமன் மனைவியான அங்கிதா சோமனுடனான வயது வித்தியாசம் குறித்தும், எதிர்மறையான விமர்சனங்கள் குறித்தும் பதிலளிக்கும் வகையில் அவரது இன்ஸ்டாகிராம் பக்கத்தில் ஒரு பதிவை இட்டுள்ளார்.
இது குறித்து அவர் வெளியிட்டுள்ள இன்ஸாடாகிராம் பதிவில் “ சிலர் சோமனை நான் 16 வயதில் சந்தித்ததாகவும், சிலர் 12 வயதில் சந்தித்ததாகவும் கூறுகின்றனர். ஆனால் நாங்கள் கடந்த 4 வருடங்களாக ஒன்றாக வாழ்ந்து வருகிறோம். இப்படி பேசுபவர்கள் உண்மையில் ஒரு சாதரண பொது அறிவு கூட இல்லாதவர்கள். இப்படி வீண் பேச்சு பேசுபவர்கள் சுயமரியாதையும், போதுமான தைரியமும் இல்லாதவர்கள். அதனால் தான் அவர்கள் சமூகவலைதளத்தில் இருக்கிறார்கள். அதில் பெரும்பான்மையானோர் காதல் என்றால் என்ன என்றே தெரியாதவர்கள். அவர்களுக்கு உடலளவிலும், ஆன்மீக அளவிலும், மன அளவிலும் சிகிச்சை அளிக்கப்பட வேண்டும்.
உங்களைப் பற்றி எதிர்மறையான கருத்துகளை நீங்கள் சமூக வலைதளத்தில் காணும்போது, நன்றாக புரிந்து கொள்ளுங்கள். உங்களைப் பற்றி எழுதுகிறவர்கள் அவர்களின் விரக்தியை உங்கள் வாயிலாக வெளிக்கொணரருகிறார்கள். அந்த வகையில் அவர்களுக்கு நீங்கள் உதவிபுரிகிறீர்கள். அவர்கள் அப்படி வளர்ந்ததற்கு அவர்களது வாழ்வியல் சூழலும், பெற்றோருமே காரணம்.
எங்களைப் பற்றிய எதிர்மறையான கருத்துகளையோ அல்லது கட்டுரையையோ படிக்கும்போது நாங்கள் சிரித்துக் கொள்வோம்.
வயது வித்தியாசம் குறித்த கேள்விக்கு பதிலளித்த அவர் “ வயது வெறும் ஒரு எண். நாங்கள் மனளவிலும், உடலவிலும், ஆன்மீக அளவிலும் ஒன்றிணைந்துள்ளோம். நாங்கள் எங்களுக்குள் இருக்கும் சாரம்சத்தை விரும்புகிறோம்.ஆதலால் எவ்வளவு வயதானலும் சரி எவ்வளவு இளமையானலும் சரி எங்களுக்குள் அது எப்போதும் இருக்கும் என்று அதில் குறிப்பிட்டுள்ளார்.