நடிகர் சிவகார்த்திகேயனின் அடுத்த படத்தை இயக்குநர் ராஜேஷ் இயக்க உள்ளதாக தகவல் கசியத் தொடங்கியுள்ளது.
தற்சமயம் சிவகார்த்திகேயன் பொன்ராம் இயக்கியுள்ள ‘சீமராஜா’ படத்தில் நடித்து முடித்துள்ளார். அடுத்ததாக யார் படத்தில் நடிக்கப் போகிறார் என எதிர்பார்ப்பு அதிகரித்துள்ளது. தமிழ் சினிமாவில் தற்சமயம் மார்க்கெட் உள்ள நடிகர் என்பதால் பல போட்டிகள் உள்ளன.
இந்நிலையில் ‘சிவா மனசுல சக்தி’ படத்தை இயக்கி தனக்கென தனி காமெடி பாணியை உண்டாக்கியவர் ராஜேஷ். அவர் தனது அடுத்த படத்தில் சிவகார்த்திகேயனை நாயகனாக்க முடிவெடுத்திருப்பதாக தெரிகிறது. இப்படத்தை ‘ஸ்டியோ க்ரீன்’ தயாரிக்க உள்ளதாகவும் தகவல் கசிந்து வருகிறது. ராஜேஷ் ஏற்கெனவே சிவகார்த்திகேயன் நடிப்பில் வெளியான ‘வருத்தப்படாத வாலிபர் சங்கம்’ படத்திற்கு வசனம் எழுதியிருந்தார். அந்தப் படம் வசன ரீதியாகவும் வசூல் ரீதியாகவும் மாபெரும் வெற்றியை சம்பாதித்திருந்தது.