பாக்கியராஜ் கண்ணன் இயக்கத்தில் கார்த்தி நடித்துள்ள ’சுல்தான்’ படத்தின் புகைப்படங்கள் வெளியாகி இருக்கின்றன.
கடந்த 2016 ஆம் ஆண்டு சிவகார்த்திகேயன், கீர்த்தி சுரேஷ் நடிப்பில் வெளியான ‘ரெமோ’ படத்தின் மூலம் இயக்குநராக அறிமுகமானார், பாக்கியராஜ் கண்ணன். இவரது அடுத்தப் படமான சுல்தானில் நடிகர் கார்த்தி, ராஷ்மிகா மந்தனா நடித்துள்ளார்கள்.
ராஷ்மிகா நடிக்கும் முதல் தமிழ்படம் சுல்தான் என்பது குறிப்பிடத்தக்கது. தீரன் அதிகாரம் ஒன்று, ஜோக்கர், அருவி, கைதி உள்ளிட்டப் படங்களை தயாரித்த ட்ரீம் வாரியர் பிக்ஸர்ஸின் எஸ்.ஆர் பிரபு தயாரித்துள்ளார். வரும் ஏப்ரல் மாதம் படத்தை வெளியிட பரபரப்பாக இயங்கி வரும் படக்குழு, சமீபத்தில்,இதன் டீசர் வெளியாகி வரவேற்பைப் பெற்றது.
”மகாபாரதத்துல கிருஷ்ணர் 100 வாய்ப்பு கொடுத்தும் கெளரவர்கள் மாறவில்லை. நீ ஒரு வாய்ப்புத்தானே கேக்குற தர்றேன். மகாபாரதத்துல கிருஷ்ணன் பாண்டவர்கள் பக்கம் நின்றிருந்தார். அதே கிருஷ்ணன் கெளரவர்கள் பக்கம் நின்றிருந்தா? மகாபாரதத்தை ஒருதடவை போர் இல்லாம படிச்சிப் பாருங்க சார்” என்று கார்த்தி பேசும் வசங்கள் வரவேற்பை பெற்றன.
இதன், முதல் சிங்கிள் பாடல் நேற்று வெளியிடப்பட்டது. இந்நிலையில், கார்த்தி,ராஷ்மிகா மந்தனா, யோகிபாபு உள்ளிட்டோர் இருக்கும் படத்தின் புதிய படங்களை படக்குழு வெளியிட்டு வருகிறது.