பிரபாஸ், கமல்ஹாசன், அமிதாப் பச்சன், தீபிகா படுகோன் உள்ளிட்டோர் நடித்திருக்கும் கல்கி 2898 ஏடி திரைப்படம், வரும் 27ஆம் தேதி வெளியாகிறது. இதன் டிரைலர் அண்மையில் வெளியாகி வரவேற்பை பெற்ற நிலையில், படத்தின் மீதான எதிர்பார்ப்பு அதிகரித்துள்ளது.
இந்நிலையில் படத்தின் பட்ஜெட் கருதி டிக்கெட் விலையை உயர்த்தவும், அதிக காட்சிகளுக்கும் அனுமதிக்கோரியும் தயாரிப்பு நிறுவனம், தெலங்கானா அரசுக்கு கடிதம் எழுதியிருந்தது.
இதனை ஏற்றுள்ள அரசு, படம் வெளியாகும் 27ஆம் தேதியிலிருந்து எட்டு நாட்களுக்கு 5 காட்சிகளை திரையிடவும், திரையரங்குகளில் 70 ரூபாய், மல்டிஃபிளக்ஸ் திரையரங்கில் 100 ரூபாய் டிக்கெட் விலையை உயர்த்தவும் அனுமதி அளித்தது.
அரசின் இந்த முடிவால் கல்கி படத்தின் டிக்கெட் விலை, 265 ரூபாய் முதல் 495 ரூபாய் வரை உயர்த்தப்பட்டுள்ளதாக ரசிகர்கள் ஆதங்கம் தெரிவித்துள்ளனர்.