சிவகார்த்திகேயன் நடிக்க உள்ள திரைப்படத்தில் நயன்தாரா ஜோடியாக நடிக்க உள்ளார்.
சில தினங்கள் முன்பு எம் ராஜேஷ் இயக்கத்தில் சிவகார்த்திகேயன் நடிக்க உள்ள புதிய படத்திற்கான அறிவிப்பு அதிகாரப்பூர்வமாக வெளியானது. இந்தப் படத்தை ஞானவேல் ராஜாவின் ஸ்டுடியோ க்ரீன் நிறுவனம் தயாரிக்க உள்ளது. முழுக்க முழுக்க காமெடி படமாக இதன் திரைக்கதையை அமைத்துள்ளார் இயக்குநர் ராஜேஷ்.
காமெடி கதைகளை இயக்குவதில் தனிப் பாணியை கையாண்டு வரும் ராஜேஷூக்கு தமிழ் சினிமா வட்டாரத்தில் தனி ரசிகர் பட்டாளமே உண்டு. இந்தப் படத்தில் சிவாவிற்கு ஜோடியாக யார் நடிக்க போகிறார் என்ற கேள்வி எழுந்திருந்தது. பலரும் நயன் நடிக்கலாம் என எதிர்பார்த்தனர். பலரின் கணிப்பைப் போல் இந்தப் படத்தில் சிவாவிற்கு ஜோடியாக நயன்தராவே ஜோடியாக உள்ளார். அதற்கான அதிகாரப்பூர்வமான அறிவிப்பு வெளியாகி உள்ளது. இன்னும் தலைப்பு வைக்கப்படாத இப்படத்திற்கு #எஸ்கே13 ஹேஷ் டேக் சமூக வலைத்தளத்தில் பயன்படுத்தப்பட்டு வருகிறது. ஏற்கெனவே ‘வேலைக்காரன்’ படத்தில் சிவா உடன் இணைந்து நடித்திருந்தார் நயன். ஆக, இந்த ஜோடி இப்போது இரண்டாவது முறையாக ஜோடி சேர உள்ளது.