ரஞ்சித் படத்தில் ஆர்யா குத்துச்சண்டை வீரராக நடிப்பது உறுதியாகியுள்ளது.
ஆர்யாவின் முப்பதாவது படத்தை ப.ரஞ்சித் இயக்குவது உறுதியானதைத் தொடர்ந்து ஆர்யா கடுமையாக உடற்பயிற்சி செய்து உடலை கட்டுமஸ்தாக ஏற்றியிருக்கிறார். அப்புகைப்படங்களை ட்விட்டரில் பதிவிட்ட ஆர்யா, அது குறித்த அப்டேட் இன்று வெளியாகும் எனவும் குறிப்பிட்டிருந்தார். அதன் படி தற்போது ஆர்யா தனது ட்விட்டர் பக்கத்தில் வீடியோவுடன் கூடிய பதிவொன்றை வெளியிட்டுள்ளார்.
ஆர்யா, ஃபுல் அப்ஸ் எடுக்கும் அந்த வீடியோ பதிவில், ‘நான் நேசிக்கும் விளையாட்டுத்துறை சார்ந்த ஒரு சினிமாவில் நடிப்பது மகிழ்ச்சியளிக்கிறது., ப.ரஞ்சித் இயக்கத்தில் குத்துச்சண்டை வீரனாக நான் நடிக்கிறேன். இப்படம் என்னுடைய திரை வாழ்க்கையில் முக்கியமான திரைப்படமாக அமையும்’ என்று கூறியுள்ளார்.
சந்தோஷ் நாராயணன் இசையமைக்கும் இப்படத்தின் சண்டைக்காட்சிகளை ஸ்டண்ட் இயக்குநர்களான அன்பறிவு வடிவமைப்பர் என்பதும் உறுதியாகியுள்ளது.