ஆவணப்பட இயக்குநரான பாயல் கபாடியா இயக்கியுள்ள "ALL WE IMAGINE IS LIGHT" திரைப்படம், கான் திரைப்பட விழாவில் திரையிடப்பட்டது. 30 ஆண்டுகளுக்கு பிறகு கான் விழாவில் போட்டியிடும் முதல் இந்திய படம் இதுவாகும்.
இப்படத்தில் கனி கஸ்ருதி, திவ்ய பிரபா உள்ளிட்டோர் பிரதான கதாபாத்திரங்களில் நடித்துள்ளனர். இந்நிலையில், இப்படத்திற்காக பாயல் கபாடியா கிராண்ட் பிரிக்ஸ் விருதை வென்றுள்ளார்.
பாம்டி’ஓருக்கு பிறகு இரண்டாவது மதிப்புமிக்க விருதான கிராண்ட் பிரிக்ஸை வென்ற முதல் இந்திய இயக்குநர் என்ற பெருமையை கபாடியா பெற்றுள்ளார்.
இதற்கு முன்பு கபாடியா இயக்கிய "A NIGHT OF KNOWING NOTHING" என்ற ஆவணப்படம் 2021-ஆம் ஆண்டு கான் விழாவில் "கோல்டன் ஐ" விருதை வென்றது குறிப்பிடத்தக்கது.