சன் பிக்சர்ஸ் தயாரிப்பில் விஜய் நடிக்கும் படத்தை இயக்கி வருகிறார் ஏ.ஆர்.முருகதாஸ். ஏ.ஆர்.ரகுமான் இசை அமைக்கும் இந்தப் படத்துக்கு கிரிஷ் கங்காதரன் ஒளிப்பதிவு செய்கிறார். பொலிட்டிக்கல் ஆக்ஷன் திரில்லரான இதில், விஜய் ஜோடியாக நடிக்கிறார், கீர்த்தி சுரேஷ்.
தயாரிப்பாளரும் முன்னாள் எம்.எல்.ஏவுமான பழ.கருப்பையா மெயின் வில்லன். அவர் அரசியல்வாதியாக வருகிறார். மற்றொரு வில்லனாக ராதாரவி. வரலட்சுமி சரத்குமார், வில்லி. யோகி பாபு, காமெடி ஏரியாவுக்கு.
இந்தப் படத்தில் விஜய்க்கு ஏகப்பட்ட அரசியல் வசனம் இடம்பெறுகிறது. சமீபத்திய அரசியல் நிகழ்வுகளை கிண்டலடித்தும் வசனங்கள் இடம்பெறுவதாகக் கூறப்படுகிறது. படத்தின் வசனத்தை எழுத்தாளர் ஜெயமோகன் எழுதியுள்ளார்.
சமீபத்தில் இந்தப் படத்துக்காக பொதுக்கூட்ட மேடை செட் அமைக்கப்பட்டு படப்பிடிப்பு நடத்தப்பட்டது. இதில் ஏராளமான ஜூனியர் ஆர்ட்டிஸ் டுகள் கலந்துகொண்டனர். அதில் அனல் பறக்கும் அரசியல் வசனங்களை விஜய் பேசும் காட்சிகள் படமாக்கப்பட்டதாகக் கூறப்படுகிறது.