பாக்ஸ் ஆபிஸில் கலக்கும் ’ஸ்டார் வார்ஸ்’!

ஸ்டார் வார்ஸ்: த லாஸ்ட் ஜேடி திரைப்படம் பாக்ஸ் ஆபீஸில் தொடர்ந்து முன்னிலை வகிக்கிறது. 

’ஸ்டார் வார்ஸ்’ திரைப்படங்களுக்கு உலகம் முழுவதும் அதிக ரசிகர்கள் உள்ளனர். இதன் முதல் படம் 1977-ல் வெளியானது. தொடர்ச்சியாக ஏழு படங்கள் வந்து வரவேற்பை பெற்ற நிலையில்  8 -வது படமாக, ‘ஸ்டார் வார்ஸ்: த லாஸ்ட் ஜேடி’ (Star Wars: The last Jedi) டிசம்பர் 15-ம் தேதி வெளியானது. ரியான் ஜான்ஸன் இயக்கி இருக்கும் இந்தப் படத்தில் மார்க் ஹாமில், கேரி ஃபிஷர், டெய்சி ரிட்லி உட்பட பலர் நடித்துள்ளனர்.

சயின்ஸ் பிக்சன் கதையை கொண்ட இந்தப் படத்துக்கு புத்தாண்டு விடுமுறையையொட்டி நல்ல வரவேற்பு கிடைத்துள்ளது. 331 கோடி ரூபாய் வசூலித்து இந்தப் படம் முதலிடத்தில் உள்ளது. இரண்டாவது இடத்தில் Jumanji: Welcome to the Jungle திரைப்படமும், மூன்றாவது இடத்தில் Pitch Perfect 3 திரைப்படமும் இடம்பெற்றுள்ளன.