ஊறுகாய், அகர்பத்தி, இன்சுலினுக்கு வரி குறைப்பு

டெல்லியில் நடைபெற்ற ஜிஎஸ்டி கவுன்சில் கூட்டத்தில் அத்தியாவசியப் பொருட்கள் உள்ளிட்ட 66 பொருட்கள் மீது நிர்ணயிக்கப்பட்டிருந்த வரி குறைக்கப்பட்டது. 

ஊறுகாய், தக்காளி சாஸ் மீதான வரி 18 சதவிகிதத்தில் இருந்து 12 சதவிகிதமாகிறது. முந்திரி மீதான வரி 12 சதவிகித்தில் இருந்து 5 சதவிகிதமாகக் குறைக்கப்பட்டுள்ளது. கணினி அச்சு இயந்திரத்துக்கு 28 சதவிகிதத்தில் இருந்து 18 ஆக வரி குறைகிறது. ஜிஎஸ்டியில் சர்க்கரை நோயாளிகளுக்கு அவசியமான இன்சுலின் மருந்துகள், அகர்பத்தி மீதான வரி 5 சதவிகிதமாகக் குறைக்கப்பட்டுள்ளது. பள்ளி மாணவர்களின் பை-க்கு 18 சதவிகித வரி விதிக்கப்படுகிறது. 
வரியைக் குறைக்குமாறு பல்வேறு தரப்பில் இருந்து 133 பொருட்களின் பட்டியல் அரசுக்கு தெரிவிக்கப்பட்டது. அவற்றில் 66 பொருட்களுக்கு வரி குறைக்கப்பட்டிருக்கிறது. ஜிஎஸ்டி கவுன்சிலின் அடுத்த கூட்டம் வருகிற 18-ம் தேதி நடைபெறும் என அறிவிக்கப்பட்டுள்ளது. அப்போது லாட்டரி மற்றும் மின்னணு பில் செலுத்துவதற்கான வரி முடிவு செய்யப்படவுள்ளது. பேட்டரி கார் உள்ளிட்ட மேலும் சில பொருட்கள் மீதான வரி நிர்ணயம் குறித்தும் 18-ம் தேதி கூட்டத்தில் பரிசீலிக்கப்பட உள்ளது.