ஏர்டெல் மூலம் ஐஃபோன் 7 வாங்க முதல் தவணையாக ரூ.7,777 செலுத்தினால் போதும் என்ற புதிய ஆஃபர் வெளியாகியுள்ளது.
பார்தி ஏர்டெல் நிறுவனம், 32 ஜிபி ஐஃபோன் 7 ஃபோனை ரூ.7,777-ஐ முதல் தவணையாக செலுத்தி வாங்கும் ஆஃபரை அறிவித்துள்ளது. ஏர்டெல் நிறுவனத்தின் ஆன்லைன் ஸ்டோர் மூலம் வாடிக்கையாளர்கள் எளிமையாக செலுத்தும் மாதாந்திர தவணை முறைகளும் அறிமுகப்படுத்தப்பட்டுள்ளன. வாடிக்கையாளர்கள் முதல் தவணையாக ரூ.7,777 செலுத்தியவுடன் 24 மாதங்களில் மீதமுள்ள தொகையை மாதம் ரூ.2,499 வீதம் கட்டலாம். ஏர்டெல் மூலம் வாங்கும் இந்த போனில் மாதம் 30 ஜிபி டேட்டா, அன்லிமிட்டேட் (லோக்கல், எஸ்.டி.டி, ரோமிங்) அழைப்புகளை பயன்படுத்திக் கொள்ளலாம்.
ஏர்டெல் நிறுவனம், ஆப்பிள், ஹெச்.டி.எஃப்.சி, கிளிஸ் கேபிடல், சென்ஸ் டெக்னாலஜிஸ், பிரைட் ஸ்டார் டெலிகம்யூனிகேஷன்ஸ் மற்றும் வுல்கன் எக்ஸ்பிரஸ் ஆகிய நிறுவனங்களுடன் இணைந்து இந்த ஆஃபரை அறிவித்துள்ளது. இது தொடர்பான விரிவான தகவல்கள் ஏர்டெல் இணையதளத்திலேயே விவரிக்கப்பட்டுள்ளது.