விவசாயக் கடனாக ரூ. 10 லட்சம் கோடி வழங்க இலக்கு நிர்ணயிக்கப்பட்டுள்ளதாக நிதியமைச்சர் அருண் ஜேட்லி தெரிவித்துள்ளார்.
அவர் தனது பட்ஜெட்டில் உரையில், விவசாயக் கடனாக ரூ.10 லட்சம் கோடி வழங்க இலக்கு நிர்ணயிக்கப்பட்டுள்ளதாக தெரிவித்தார்.
வரும் நிதியாண்டில் விவசாயம் 4.1% ஆக வளர்ச்சி அடையும் என குறிப்பிட்ட அவர், பயிர் காப்பீடு திட்டத்திற்காக ரூ.13,000 கோடி ஒதுக்கீடு செய்யப்பட்டுள்ளதாகவும் கூறினார்.. கடந்த ஆண்டு பயிர் காப்பீடு திட்டத்திற்காக ரூ.5,500 கோடி ஒதுக்கீடு செய்யப்பட்டிருந்தது.
விவசாயிகளின் வருமானத்தை அடுத்த 5 ஆண்டில் இரட்டிப்பாக்க நடவடிக்கை எடுக்கப்படும் என உறுதியளித்த நிதியமைச்சர், சிறுகுறு விவசாயிகள் தடையின்றி எளிதாக கடன் பெற நடவடிக்கை எடுக்கப்படும் எனவும் தெரிவித்தார். மேலும், விவசாயிகளின் விளைபொருளுக்கு நல்ல விலை கிடைக்க ஏதுவாக குளிர்பதன கிடங்குகள் ஏற்படுத்தப்படும் எனவும் அருண்ஜேட்லி தெரிவித்தார்.