41 வயதில் இவ்வளவு இளமையா? என்ற சந்தேகத்தில் பெண் ஒருவரை விமானத்தில் பயணிக்க அனுமதி மறுத்த சம்பவம் அதிர்ச்சியை ஏற்படுத்தி உள்ளது.
நட்டாலியா டெசன்கு என்ற பெண்மனி துருக்கியில் இருந்து தனது வீட்டிற்கு செல்ல விமான நிலையம் வந்தார். அப்போது பாஸ்போர்ட் கட்டுப்பாட்டில் இருந்த அதிகாரிகள் அவரை தடுத்துள்ளனர். இதற்கு காரணமாக அவர்கள் கூறும்போது, “நீங்கள் கொண்டுவந்த பாஸ்போர்டில் வயது 41 என்று குறிப்பிடப்பட்டுள்ளது. ஆனால் நீங்கள் பாஸ்போர்டில் உள்ள புகைப்படத்தை விட 20 வயது இளமையாக தெரிகிறீர்கள், எனவே நீங்கள் வேரொருவருடைய பாஸ்போர்டில் பயணிக்க முயற்சி செய்கிறீர்கள் என்ற சந்தேகத்தினால் தடுத்துள்ளோம்” என்று தெரிவித்துள்ளனர்.
இதனால் அதிர்ச்சியடைந்த அப்பெண்மணி கூறுகையில், “என்னுடைய இந்த இளமைத் தோற்றத்தால் பலரும் என்னை புகழ்ந்துள்ளனர், ஆனால் அந்த தோற்றமே எனக்கு ஆபத்தாய் அமையும் என நான் எதிர்பார்க்க வில்லை” என்று அவர் கூறினார். இந்த அழகு தோற்றத்தால் நட்டாலியா பல ரசிகர்களை பெற்றுள்ளார் என்பது குறிப்பிடத்தக்கது. நட்டாலியா, தனது அழகு ரகசியத்தை பற்றி தெரிவிக்காத போதிலும் சைவ உணவுப் பழக்கம், பழங்கள் மற்றும் பச்சை காய்கறிகள் தான் அவருடைய அழகின் ரகசியம் என அவரது ரசிகர்களில் ஒருவர் தெரிவித்துள்ளார். இளமை தோற்றத்தால் நட்டாலியா பல பாராட்டுக்களை பெற்றாலும் இந்த சம்பவம் அவரின் வாழ்க்கையில் மறக்க முடியாத நிகழ்வாய் இருக்கும் என்பதில் சந்தேகம் இல்லை.
