அமெரிக்காவில் உள்ள வெள்ளை மாளிகையில் சந்தேகத்திற்குரிய மர்ம பை ஒன்று கண்டெடுக்கப்பட்டுள்ளது. இதனால், வெள்ளை மாளிகை தற்காலிகமாக மூடப்பட்டது.
அமெரிக்காவின் வாஷிங்டன் நகரில் உள்ள அந்நாட்டு அதிபரின் அதிகாரப்பூர்வ இல்லமான வெள்ளை மாளிகையில் சந்தேகத்திற்கு இடமளிக்கும் வகையில் பார்சல் ஒன்று கண்டெடுக்கப்பட்டுள்ளது. இதையடுத்து, அங்கு பாதுகாப்பு அதிகாரிகள் குவிக்கப்பட்டு தீவிர சோதனை மேற்கொண்டு வருகின்றனர். இதனால், வெள்ளை மாளிகை தற்காலிகமாக மூடப்பட்டுள்ளது. இந்த சம்பவத்தின்போது, அமெரிக்க அதிபர் டொனால்ட் டிரம்ப் அரிசோனாவில் நடைபெற்ற ஒரு பிரச்சார பேரணியில் கலந்து கொள்வதற்காக சென்றுள்ள நிலையில் இந்த சம்பவம் நிகழ்ந்துள்ளதாக கூறப்படுகிறது. இந்நிலையில், அந்த பையில் இருந்த பொருள் என்ன என்பது குறித்து இதுவரை தகவல் வெளியாகவில்லை என்பது குறிப்பிடத்தக்கது.
