அமெரிக்காவைச் சேர்ந்த இளைஞர் ஒருவர் தெலுங்கில் சரளமாக பேசும் வீடியோ சமூக வலைதளங்களில் பரவி வருகிறது
இசாக் ரிச்சார்ட்ஸ் என்ற இளைஞர் அமெரிக்காவில் உள்ள ஒரு ஐஸ் கிரீம் கடையில் வேலை பார்த்து வருகிறார். ஐஸ் க்ரீம் வாங்கச்சென்ற ஆந்திராவைச் சேர்ந்த இளைஞர்கள் இசாக் ரிச்சார்ட்டிடம் பேச்சுக் கொடுத்துள்ளனர். அவர்கள் தெலுங்கு என அறிந்த இசாக் அவர்களிடம் சரளமாக தெலுங்கில் பேசியுள்ளார்.
அமெரிக்க இளைஞரிடம் சற்றும் எதிர்பாராத ஆந்திர இளைஞர்கள் வாயடைத்து வியந்தனர். தான் 2016 முதல் 2018 வரை ஆந்திராவின் விஜயவாடா உள்ளிட்ட பகுதிகளில் வசித்ததாகவும் அப்போது தெலுங்கு மொழி கற்றதாகவும் இசாக் தெரிவித்துள்ளார்.
சரளமாக தெலுங்கு பேசும் இசாக்கின் வீடியோவை ஒருவர் சமூக வலைதளங்களில் பகிர அது தற்போது அது வைரலாகி வருகிறது.
