வணிகவளாகத்தில் திருடிய கொள்ளையனை சிசிடிவி காட்சியைக் கொண்டு போலீசார் கைது செய்தனர்
கொரோனாவுக்கு பிறகு மாஸ்க் என்பது நம்முடைய ஒரு அங்கமாக இருக்க வேண்டுமென்று அரசு விரும்புகிறது. கொரோனா தொற்றில் இருந்து நம்மைக் காப்பது மாஸ்க் மட்டுமே என்கிறது உலக நாடுகள். பொதுமக்கள் பலரும் மாஸ்கை அணிந்தாலும் சிலர் அணிவதில்லை. ஆனால் சில குற்றச்சம்பவங்களில் ஈடுபடும் கொள்ளையர்கள் மாஸ்கை கண்டிப்பாக அணியத் தொடங்கியுள்ளனர். பல இடங்களில் குற்றவாளிகள் மாஸ்க் அணிந்திருப்பது போலீசாருக்கு சிக்கலாகவும் உள்ளது.
அதேபோல் ஒரு சம்பவம் கொல்கத்தாவில் அரங்கேறியுள்ளது. ரதன் பட்டாச்சாரியா என்ற நபர் வணிகவளாத்தில் புகுந்து பெண் ஒருவரின் கைப்பையை திருடியுள்ளார். அதில் ரூ.99 ஆயிரத்து 300 இருந்துள்ளது. முகத்தில் மாஸ்க் அணிந்து கொண்டு சாமர்த்தியமாக கைப்பையை திருடிவிட்டு வெளியேறிவிட்டார் ரதன். வெளியே சென்ற அவர் மாஸ்கை கழட்டி முகத்தை சொரிந்துள்ளார். அதனை வைத்து சிசிடிவி மூலம் அவரின் அடையாளத்தை கண்டுபிடித்த போலீசார் தேடிப்பிடித்து கைது செய்துள்ளனர்.
