சர்வதேச விண்வெளி நிலையத்தில் உள்ள வீராங்கனை சுனிதா வில்லியம்ஸ் தீபாவளி வாழ்த்துகளை தெரிவித்துள்ளார். அமெரிக்காவிலும் உலகின் பிற பகுதிகளிலும் தீபாவளியை கொண்டாட உள்ளவர்களுக்கு தன் வாழ்த்துகள் என சுனிதா வில்லியம்ஸ் வீடியோ பதிவில் கூறியுள்ளார்.
இந்தாண்டு பூமிப்பந்திலிருந்து 400 கிலோ மீட்டர் தொலைவில் தீபாவளி கொண்டாடும் அரிய வாய்ப்பு கிடைத்துள்ளதாகவும் அவர் தன் பதிவில் கூறியுள்ளார். தீபாவளி கொண்டாட்டங்களில் பங்கேற்றதற்காக அதிபர் ஜோ பைடனுக்கும் துணை அதிபர் கமலா ஹாரிசுக்கும் சுனிதா நன்றி தெரிவித்தார்.
5 மாதங்களுக்கு முன் சர்வதேச விண்வெளி நிலையம் சென்ற சுனிதா வில்லியம்ஸ் தொழில்நுட்ப பிரச்னை காரணமாக குறித்த நாளில் பூமிக்கு திரும்ப முடியாத நிலை ஏற்பட்டுள்ளது. பிரச்னையை சரி செய்யும் பணி நடைபெறும் நிலையில் சுனிதாவும் அவருடன் தங்கியுள்ள வில்மோரும் விரைவில் பூமிக்கு திரும்புவர் என எதிர்பார்க்கப்படுகிறது
