பிபிசி செய்தி நிறுவனம், இந்தி நடிகர் சசி கபூரின் மறைவு செய்தியை ஒளிபரப்பிய போது, அவருக்கு பதிலாக தவறான புகைப்படத்தை காட்டியதற்கு பகிரங்கமாக மன்னிப்பு கோரியுள்ளது.
பிரபல பாலிவுட் நடிகர் சசி கபூர், நேற்று முன்தினம், உடல் நலக் குறைவால் உயிரிழந்தார். இவரின் இறப்பிற்கு பல்வேறு நடிகர், நடிகைகள் இரங்கல் தெரிவித்திருந்தனர். இந்நிலையில் இவரின் இறப்பு செய்தியை ஒளிபரப்பிய பிரபல பிபிசி தொலைக்காட்சி, காணொளியில் அவருக்கு பதிலாக நடிகர்கள் ரிஷி கபூரையும், அமிதாப் பச்சனையும் காண்பித்தது.
இதனைக் கண்ட பொதுமக்கள் குழம்பினர். மேலும், இந்த தவறை நெட்டிசன்கள் பலர் இணையதளத்தில் வைரலாகினர். இந்நிலையில் இந்த தவறான காட்சிக்கு பிபிசி செய்தி நிறுவனம் தற்போது பகிரங்கமாக மன்னிப்பு கோரியுள்ளது. இது குறித்து நிகழ்ச்சி ஆசிரியர் பால் ராயல் தனது ட்விட்டர் பக்கத்தில் மன்னிப்புக் கேட்டுக் கொண்டுள்ளார். அந்த செய்திக்கான காட்சி தவறாக ஒளிபரப்பாகி விட்டது என்றும் அவர் தெரிவித்துள்ளார்.
