மாடர்னா கொரோனா தடுப்பூசி குழந்தைகளுக்கான மாதிரியில் நோயெதிர்ப்பு சக்தியை வெளிப்படுத்துகிறது என்று சயின்ஸ் இம்யூனாலஜி விஞ்ஞானிகள் குழு தெரிவித்திருக்கிறது.
சயின்ஸ் இம்யூனாலஜி விஞ்ஞானிகள் குழு, மாடர்னா எம்.ஆர்.என்.ஏ தடுப்பூசி மற்றும் புரத அடிப்படையிலான தடுப்பூசி ஆகியவை, குழந்தைகளுக்கான மருத்துவ ஆராய்ச்சியில் SARS-CoV-2 க்கு நீடித்த நடுநிலையான நோயெதிர்ப்பு தன்மையை வெளிப்படுத்தியதாக தெரிவித்தனர்.
மேலும், இந்த தடுப்பூசியில் குழந்தைகளுக்கு பாதகமான விளைவுகள் எதுவும் இல்லை என்றும் சயின்ஸ் இம்யூனாலஜியில் வெளியிடப்பட்ட முடிவுகள் தெரிவிக்கின்றன. தொற்றுநோயைக் குறைப்பதற்கான பாதுகாப்பான முறைகளில் சிறு குழந்தைகளுக்கான தடுப்பூசிகள் முக்கியமானவை என்றும் ஆராய்ச்சியாளர்கள் தெரிவிக்கின்றனர்.
16 குழந்தை ரீசஸ் மக்கா குரங்குகளின் குட்டிகளுக்கு செலுத்தப்பட்ட தடுப்பூசிகளால் வெளிப்படுத்தப்பட்ட வலுவான நடுநிலைப்படுத்தப்பட்ட நோயெதிர்ப்பு தன்மை 22 வாரங்களுக்கு நீடித்தன. தடுப்பூசிகளின் நீண்டகால பாதுகாப்பை நன்கு புரிந்துகொள்ள ஆராய்ச்சியாளர்கள், பலகட்ட ஆய்வுகளை மேற்கொண்டு வருவதாக அமெரிக்காவின் வட கரோலினா பல்கலைக்கழகம் தனது இணையதளத்தில் தெரிவித்துள்ளது.
