பிரபல ஹாலிவுட் நடிகர் டுவைன் ஜான்சன், படப்பிடிப்புக்கு செல்ல புறப்பட்டபோது தனது வீட்டு கேட் திறக்காததால் அதை உடைத்து எறிந்துள்ளார்
பாஸ்ட் ஆண்ட் பியூரியஸ், ஜூமாஞ்சி, ஸ்கைஸ்க்ராப்பர், ஸ்கார்ப்பியன் கிங் உள்ளிட்ட பல்வேறு படங்களில் நடித்தவர் டுவைன் ஜான்சன். ராக் என அழைக்கப்படும் இவர் தனது இன்ஸ்டாகிராமில் உடைந்த தனது வீட்டின் கேட்டின் வீடியோவை பதிவிட்டு, படப்பிடிப்புக்கு செல்லும்போது கேட் திறக்காததால், அதனை உடைத்து தள்ளிவிட்டு வெளியேறினேன் என குறிப்பிட்டுள்ளார்.
கேட்டை திறப்பதற்கான ஹைட்ராலிக் சிஸ்டம் வேலை செய்யவில்லை என பதிவிட்டுள்ள டுவைன், இந்த ஹைட்ராலிக் சிஸ்டம் மின்சாரம் இல்லை என்றாலும் வேலை செய்யும், ஆனால் இந்த முறை வேலை செய்யவில்லை என குறிப்பிட்டுள்ளார்
தனக்காக நூற்றுக்கணக்கானோர் படப்பிடிப்பு தளத்தில் காத்துக்கொண்டிருந்ததால் என்னால் காத்துக்கொண்டிருக்க முடியவில்லை. அதனால் கேட்டை உடைத்துவிட்டு சென்றதாக தெரிவித்துள்ளார். அதன்பிறகு அங்கு வந்த வெல்டிங் பணியாளர்கள் கேட்டை சரிசெய்யும் வீடியோவையும் ராக் பதிவிட்டு அவர்களுக்கு நன்றி தெரிவித்துள்ளார்.
