சீனாவின் கிழக்குப் பகுதியில் உள்ள ஜேஜியாங் மாகாணத்தை புரட்டிப் போட்ட லெக்கிமா புயலுக்கு பலியானோர் எண்ணிக்கை 44 ஆக அதிகரித்துள்ளது.
சீனாவின் கிழக்குப் பகுதியில் உள்ள ஜேஜியாங் மாகாணத்தை லெக்கிமா புயல் புரட்டி போட்டது. இந்தப் புயலின் போது மணிக்கு 187 கிலோ மீட்டர் வேகத்தில் வீசிய பலத்த காற்றினால் 3 ஆயித்துக்கு மேற்பட்ட மரங்களும், 100க்கும் மேற்பட்ட மின்கம்பங்களும் வேரோடு சாய்ந்தன.
அத்துடன் அங்கு பெய்த கனமழையை தொடர்ந்து ஏற்பட்ட வெள்ளம் மற்றும் நிலச்சரிவால் சாலை போக்குவரத்து துண்டிக்கப்பட்டது. மேலும் ரயில்சேவையும், விமான சேவையும் தற்காலிகமாக நிறுத்தப்பட்டுள்ளன. வெள்ளம் மற்றும் நிலச்சரிவில் சிக்கி இதுவரை 44 பேர் உயிரிழந்துள்ளதாகவும், 20 லட்சத்திற்கும் அதிகமானோர் பாதுகாப்பான இடங்களுக்கு அப்புறப்படுத்தப்பட்டதாகவும் சீன அரசு தெரிவித்துள்ளது.
