துபாய் சர்வதேச விமான நிலையம் அருகே நடந்த சிறிய ரக விமான விபத்தில் 4 பேர் பரிதாபமாக உயிரிழந்தனர்.
ஐரோப்பாவை சேர்ந்த தனியார் நிறுவனத்துக்கு சொந்தமான சிறிய ரக விமானம் ஒன்று துபாய் சர்வதேச விமான நிலையத்துக்கு வந்து கொண்டிருந்தது. அதில் நான்கு பேர் மட்டுமே அமர முடியும். பிரிட்டீஷை சேர்ந்த 3 பேர் மற்றும் தென்னாப்பிரிக்காவை சேர்ந்த ஒருவர் அந்த விமானத்தில் இருந்தனர்.
(இதுபோன்ற விமானம்தான் விபத்துக்குள்ளானது)
விமானம் துபாய் சர்வதேச விமான நிலையத்தில் இருந்து 3 மைல் தொலைவில் வந்தபோது, திடீர் கோளாறு காரணமாக விபத்துக்குள்ளானது. இதில் விமானத்தில் இருந்த 4 பேரும் பரிதாபமாக உயிரிழந்தனர். இந்த விபத்து காரணாமாக துபாய் விமான நிலையம் உள்ளூர் நேரப்படி 7.36 மணியில் இருந்து 8.22 மணி வரை தற்காலிகமாக மூடப்பட்டது. துபாய் வந்த விமானங்கள் திருப்பி விடப்பட்டன. விபத்து குறித்து விசாரணை நடந்து வருகிறது.
