சில நாட்கள் கழித்து தன்னை பார்க்க வந்த உரிமையாளரை தன் நீண்ட கழுத்தால் அணைத்து நிற்கும் ஒட்டகத்தின் வீடியோ இணையத்தில் வைரலாகி வருகிறது
வனத்துறை அதிகாரியான சுசந்தா நந்தா என்பவர் தன் ட்விட்டர் பக்கத்தில் வீடியோ ஒன்றை பகிர்ந்துள்ளார். மனிதர்களுக்கும், வளர்ப்பு பிராணிகளுக்கும் இடையேயான அன்பை காட்டும் விதமாக அந்த வீடியோ உள்ளது.
வீடியோ குறித்து பதிவிட்டுள்ள அவர், ஒட்டகத்தின் உரிமையாளர் சில நாட்கள் விடுமுறைக்கு பின் மீண்டும் வந்து ஒட்டகத்தை சந்திக்கிறார். அந்த ஒட்டகம் அவரின் மீது அன்பை காட்டுகிறது இது தூய்மையான அன்பு என குறிப்பிட்டுள்ளார். அந்த வீடியோ தற்போது வைரலாகி வருகிறது. பலரும் அந்த வீடியோவை பகிர்ந்து செல்லப்பிராணிகளின் அன்பு குறித்து கருத்து பதிவிட்டு வருகின்றனர்.
