மாரடைப்பால் காலமான கன்னட திரையுலகின் பவர் ஸ்டார் புனித் ராஜ்குமாரின் கடைசி நிகழ்ச்சியை ரசிகர்கள் உருக்கத்துடன் பகிர்ந்து வருகின்றனர்.
புனித் ராஜ்குமாரின் அண்ணனும் பிரபல கன்னட நடிகருமான சிவ ராஜ்குமாரின் பஜ்ரங்கி 2 படத்தின் ஆடியோ வெளியீட்டு விழா கடந்த 26ஆம் தேதி நடைபெற்றது. இந்நிகழ்ச்சியில் பங்கேற்று புனித் ராஜ்குமார் ஆடி பாடி மிகவும் மகிழ்ச்சியுடன் காணப்பட்டார். பொது வெளியில் அவர் பங்கேற்ற கடைசி நிகழ்ச்சி இதுவாகும்.
இந்த வீடியோ காட்சிகளை புனித் ராஜ்குமாரின் ரசிகர்கள் உருக்கத்துடன் சமூக வலைதளங்களில் பகிர்ந்து வருகின்றனர். இதுதவிர பஜ்ரங்கி 2 படம் நேற்று திரைக்கு வந்த நிலையில் அதனை வாழ்த்தி புனித் ராஜ்குமார் ட்விட்டரில் பதிவிட்டிருந்தார். அவரின் கடைசி ட்விட்டான இதனை ரீ ட்வீட் செய்து தங்களது இரங்கலையும் வேதனையையும் ரசிகர்கள் வெளிப்படுத்தி வருகின்றனர்.
