சென்னையில் உயர் மின்னழுத்த கம்பி அறுந்து விழுந்து 5 மாடுகள் உயிரிழந்துள்ளன.
சென்னையின் பல்வேறு பகுதிகளிலும் கனமழை பெய்துவரும் நிலையில் பல இடங்களிலும் தண்ணீர் தேங்கி நிற்கிறது. இந்நிலையில் சென்னையை அடுத்த மேடவாக்கம் பகுதியில் திடீரென உயர் மின்னழுத்தக் கம்பி அறுந்துவிழுந்து 5 மாடுகள் உயிரிழந்துள்ளன. அதில் 3 பசு மாடுகள், 2 கன்றுக்குட்டிகள். குடியிருப்புப் பகுதியில் நடந்த இந்த சம்பவத்தால் மக்கள் அச்சத்தில் உள்ளனர். இதனைத்தொடர்ந்து பாதுகாப்பு நடவடிக்கையாக மின்விநியோகம் நிறுத்தப்பட்டுள்ளதாக மின்வாரியம் தெரிவித்திருக்கிறது. மேலும், காற்றில் இரு மின்கம்பிகள் உரசி அறுந்து விழுந்திருக்கலாம் என்றும் தெரிவித்திருக்கிறது.
