சட்டப்பேரவையில் நம்பிக்கை வாக்கெடுப்பு நடத்தும்போது தங்களுக்கு ஆதரவாக உள்ள ஸ்லீப்பர் செல்கள் யாரென்று தெரியவரும் என அதிமுக அம்மா அணியின் துணைப் பொதுச்செயலாளர் டிடிவி தினகரன் தெரிவித்துள்ளார்.
சென்னையில் செய்தியாளர்களிடம் பேசிய டிடிவி தினகரன், “நேரடியாக 21 எம்எல்ஏக்கள் ஆதரவு கொடுத்துள்ளனர். சட்டப்பேரவையில் நம்பிக்கை வாக்கெடுப்பு நடத்தும்போது எங்களுக்கு ஆதரவாக உள்ள ஸ்லீப்பர் செல்கள் யாரென்று தெரியவரும். பொய் வழக்கு போட்டுவிடுவோம் என்று இங்குள்ள காவல்துறையை அனுப்பி, அங்குள்ள எம்எல்ஏக்களை மிரட்டி பார்க்கிறார்கள். அவர்கள் அதை அங்குள்ள காவல்துறையினரிடம் புகார் அளிக்க உள்ளனர். அதுமட்டுமில்லாமல் நாங்கள் நீதிமன்றத்தை நாடி, காவல்துறை மீதும் அதற்கு அமைச்சராக இருக்கும் முதலமைச்சர் மீது நடவடிக்கை எடுக்க உள்ளோம்” என்றார்.
முதலமைச்சர் எடப்பாடி பழனிசாமியை மாற்றக் கோரி, டிடிவி தினகரன் ஆதரவு எம்எல்ஏக்கள் கர்நாடக மாநிலம் குடகுவில் உள்ள தனியார் விடுதியில் தங்கியுள்ளது குறிப்பிடத்தக்கது.
