"உண்மையான தர்மயுத்தம் இப்போதுதான் தொடக்கம்" என அமமுக பொதுச் செயலாளர் டிடிவி தினகரன் தெரிவித்தார்.
அமமுக சார்பில் சட்டப்பேரவைத் தேர்தலில் போட்டியிட விருப்பமனு அளித்தவர்களிடம் இன்று நேர்காணல் நடைபெறுகிறது.
இந்நிலையில், செய்தியாளர்களை சந்தித்த அமமுகவின் பொதுச் செயலாளர் டிடிவி தினகரன் “வாக்குகள் சிதறாது என்ற நம்பிக்கை உள்ளது. தமிழக மக்கள் எங்களுக்கு வாக்குகள் அளிப்பார்கள். மற்ற கட்சிகளை பற்றி நாம் பேசுவதில்லை. நாங்கள் மாபெரும் வெற்றியை பெற்று ஜெயலலிதாவின் ஆட்சியை அமைப்போம். உண்மையான தர்மயுத்தம் இப்போதுதான் தொடக்கம். இந்த சட்டப்பேரவை தேர்தலில் உண்மையான தர்மயுத்தம் தொடங்குகிறது. நாங்கள் அதர்மத்தையும் எதிர்க்கிறோம். துரோகத்தையும் எதிர்க்கிறோம்” என்றார்.
