தெலங்கானா முதலமைச்சர் சந்திரசேகர ராவ், திமுக தலைவர் கருணாநிதியை இன்று நேரில் சந்தித்தார்.
மத்தியில் மூன்றாவது அணி அமைக்கும் முயற்சியில் உள்ள தெலங்கானா ராஷ்ட்டிரிய சமிதித் தலைவரும், தெலுங்கானா முதலமைச்சருமான சந்திரசேகர ராவ் தீவிர முயற்சியில் ஈடுபட்டு வருகிறார். இதற்காக அவர் இந்திய அளவில் உள்ள மாநிலக்கட்சிகளுடன் பேச்சு வார்த்தை நடத்தி வருகிறார். அதன்படி இன்று திமுக தலைவர் கருணாநிதியை நேரில் சந்தித்து பேசினார். சுமார் 10 நிமிடங்கள் நடைபெற்ற இந்தச் சந்திப்பின் போது கருணாநிதியிடம், சந்திரசேகர ராவ் உடல் நலம் விசாரித்தார்.
அவருடன் தெலுங்கானா அமைச்சர்கள் இட்டால ராஜேந்தர், ஹரிஷ் ராவ், நாடாளுமன்ற உறுப்பினர்கள் கேசவ ராவ், வினோத் ராவ் ஆகியோர் வந்திருந்தனர். திமுக செயல் தலைவர் ஸ்டாலின், முன்னாள் மத்திய அமைச்சர்கள் ஆ.ராசா, டி.ஆர்.பாலு ஆகியோர் கருணாநிதியுடன் உடனிருந்தனர். கருணாநிதியிடம் நலம் விசாரித்த பின், ஆழ்வார்பேட்டையில் உள்ள ஸ்டாலின் இல்லத்திற்குச் சென்ற சந்திரசேகர ராவ் உள்ளிட்டோர் அங்கு உணவருந்தினர்.
