சத்ருகன் சின்காவின் மனைவி பூனம் சின்கா சமாஜ்வாதி கட்சியில் இணைந்துள்ளார். சமாஜ்வாதி தலைவர் அகிலேஷ் யாதவின் மனைவி திம்ப்ளே யாதவ் முன்னிலையில் இந்த இணைப்பு நடைபெற்றது.
முன்னாள் மத்திய அமைச்சரும் பீகார் மாநிலம், பாட்னா தொகுதி பா.ஜ.க எம்.பி.யான சத்ருகன் சின்கா, பிரதமர் மோடியையும், கட்சி தலைமையையும் தொடர்ந்து விமர்சித்து வந்தார். இதையடுத்து, சத்ருகன் சின்ஹா காங்கிரஸ் கட்சியில் முறைப்படி, சமீபத்தில் இணைந்தார். இவர் காங்கிரஸ் கட்சியில் இணைந்துள்ள நிலையில் இவரது மனைவி இன்று சமாஜ்வாதியில் இணைந்துள்ளார்.
மேலும், ராஜ்நாத் சிங் போட்டியிடும் லக்னோ தொகுதியில் அவரை எதிர்த்து பூனம் சின்ஹா போட்டியிட வாய்ப்புள்ளதாக கூறப்படுகிறது. லக்னோ தொகுதியில் காங்கிரஸ் கட்சி சார்பில் இதுவரை வேட்பாளர்கள் நிறுத்தப்படவில்லை. அதனால், காங்கிரஸ் கட்சியின் பின்புலத்திலே ராஜ்நாத் சிங்கிற்கு எதிராக பூனம் களமிறக்கப்படுவதாக அரசியல் வட்டாரங்கள் தெரிவிக்கின்றன.
லக்னோ தொகுதி வேட்பாளராக இன்றே அறிவிக்க வாய்ப்புள்ளதாக தெரிகிறது. மேலும், வேட்புமனுத் தாக்குதலுக்கு கடைசி நாளான ஏப்ரல் 18ம் தேதி அவர் வேட்புமனுத் தாக்கல் செய்ய உள்ளதாகவும் தகவல்கள் கூறுகின்றன.
