சுறா மீன் தனது கத்திபோன்ற கூர்மையான பற்களைக் காட்டி பயமுறுத்திய வீடியோ இணையத்தில் வைரலாகி வருகிறது.
1975லிருந்து 1987 வரை அடுத்தடுத்து வெளிவந்து திகிலூட்டிய ஆங்கில திரைப்படம் ‘Jaws' ஞாபகம் இருக்கிறதா? ஆம், அந்தப் படத்தில் வரும் சுறாவை பார்த்தவர்கள் யாரும் அதன் நீண்ட கூர்மையான பற்களை மறந்திருக்கமாட்டார்கள்.
சமீபத்தில் ’நேச்சர் ஈஸ் ஸ்கேரி’ என்ற ட்விட்டர் பக்கம் வெளியிட்ட வீடியோ உண்மையிலேயே பயத்தை ஏற்படுத்தி இருக்கிறது. படத்தில் வரும் கிராபிக்ஸ் இல்லை. இது நிஜம். ‘அந்த பற்கள்’ என தலைப்பிட்ட இந்த வீடியோவில், சுறா ஒன்று நகர்ந்துசெல்லும்போது தனது தாடையை வெளிக்கொண்டுவந்து மேற்பற்கள் அனைத்தையும் காட்டி பிறகு நீந்திச் செல்கிறது.
வெறும் 15 நொடிகள் மட்டுமே உள்ள இந்த வீடியோ, 1.9 மில்லியன் பார்வையாளர்களைப் பெற்றுள்ளது. அதற்கு பலரும் ஜாலியான கமெண்டுகளை பதிவிட்டு வருகின்றனர்.
