மெர்சல் படக்குழுவினருக்கு நடிகர் ரஜினிகாந்த் பாராட்டு தெரிவித்துள்ளார். மேலும் மெர்சல் படத்தில் முக்கிய பிரச்னையில் கவனம் செலுத்தப்பட்டுள்ளதாகவும் ரஜினி தனது ட்விட்டர் பதிவில் குறிப்பிட்டுள்ளார்.
அட்லீ இயக்கத்தில் விஜய் நடித்துள்ள மெர்சல் படத்தில் இடம்பெற்றுள்ள ஜிஎஸ்டி, டிஜிட்டல் இந்தியா தொடர்பான வசனங்களுக்கு தமிழக பாஜக கடும் எதிர்ப்பு தெரிவித்த நிலையில் மெர்சல் சர்ச்சை நாடு முழுவதும் பிரபலம் அடைந்தது. இதனைடுத்து மெர்சல் படத்திற்கு ஆதரவாக காங்கிரஸ் துணைத் தலைவர் ராகுல்காந்தி, நடிகர் கமல்ஹாசன் உள்ளிட்டோர் கருத்து தெரிவித்திருந்தனர். இந்நிலையில் படத்திற்கு ஆதரவாக நடிகர் ரஜினிகாந்தும் கருத்து தெரிவித்துள்ளார்.
இதுதொடர்பாக ட்விட்டரில் பதிவிட்டுள்ள ரஜினிகாந்த், மெர்சல் படத்தில் முக்கிய பிரச்னையில் கவனம் செலுத்தப்பட்டுள்ளது. படக்குழுவினருக்கு பாராட்டுகள் என குறிப்பிட்டுள்ளார்.
படத்தில் முக்கிய பிரச்னையில் கவனம் செலுத்தப்பட்டுள்ளது என கூறியுள்ள ரஜினி அப்பிரச்னை என்ன என்பதை குறிப்பிடவில்லை.
