நடிகர் ரஜினிகாந்த் ஏப்ரல் 14 ஆம் தேதி தனது கட்சிப் பெயரை அறிவிக்கவுள்ளதாக தகவல் வெளியாகி உள்ளது.நடிகர் ரஜினிகாந்த் ஆன்மிக சுற்றுப்பயணமாக இமயமலைக்கு சென்றுள்ளார். அங்கு வட இந்திய ஊடகங்கள் பல ரஜினியிடம் அரசியல் கேள்விகளை எழுப்பினர். அதற்கு "தான் இன்னும் முழுமையான அரசியல்வாதி ஆகவில்லை" என பதிலளித்தார். ஆனால், தனது அதிகாரப்பூர்வ அரசியல் கட்சிக்கான அச்சானியாக ஒவ்வொரு மாவட்டத்துக்கும் ரஜினி மன்றம் நிர்வாகிகளை நியமித்து வருகிறார்.
இந்நிலையில் ரஜினி ஏப்ரல் மாதம் 14 ஆம் தேதி சித்திரை திருநாள் அன்று தனது அரசியல் கட்சிப் பெயரை அறிவிக்கவுள்ளதாக தகவல் வெளியாகியுள்ளது. அவரது கட்சிக்கு என்ன பெயர் வைப்பது என்று 10 பெயர்கள் பரிசீலனையில் இருப்பதாகவும், அதில் ரஜினி பெயரும் இடம் பெறும் என்றும் கூறப்படுகிறது. இப்போது ரஜினி மன்றத்துக்கு நியமிக்கப்பட்டுள்ள மாநில பொறுப்பாளர்கள், கட்சியின் பெயரை இறுதி செய்வார்கள். மேலும், கட்சிப் பெயரை இறுதி செய்வதில் தேவைப்பட்டால் மாவட்ட நிர்வாகிகளோடும் ஆலோசனை நடத்தப்படும். மேலும், கட்சிப் பெயரை அறிவிக்க உள்ளதால் மாவட்ட நிர்வாகிகளை இந்த மாதத்திற்குள் நியமனம் செய்ய ரஜினிகாந்த் உத்தரவிட்டுள்ளதாகவும் தெரிகிறது. மேலும் கட்சிப் பெயரை திருச்சியில் பிரம்மாண்ட மாநாட்டில் கொடியும், கொள்கை அறிவிக்க வாய்ப்புள்ளதாகவும் தெரிகிறது.
