காங்கிரஸ் கட்சி சார்பில் போட்டியிட்ட இதர பிற்படுத்தப்பட்டோர் பிரிவு தலைவர் அல்பேஸ் தாக்கூர் வெற்றி பெற்றுள்ளார்.
குஜராத் சட்டப்பேரவை தேர்தலில் ஹர்திக் படேல், ஜிக்னேஷ் மேவானி மற்றும் அல்பேஸ் தாக்கூர் ஆகிய மூன்று இளம் தலைவர்கள் பாஜகவுக்கு எதிராக களத்தில் பிரச்சாரம் மேற்கொண்டனர். இதில் அல்பேஸ் காங்கிரஸ் சார்பிலும், ஜிக்னேஷ் காங்கிரஸ் ஆதரவில் சுயேட்சையாகவும் போட்டியிட்டனர். ஹர்திக் படேல் போட்டியிடவில்லை.
ஜிக்னேஷ் மேவானி வெற்றி பெற்றதாக அறிவிக்கப்பட்டு இருந்த நிலையில், ராதன்பூர் தொகுதியில் போட்டியிட்ட அல்பேஸ் தாக்கூர் 14,857 வாக்குகள் வித்தியாசத்தில் வெற்றி பெற்றுள்ளார். அவர் 85,777 வாக்குகள் பெற்றார். பாஜக வேட்பாளர் லவிங்ஜி 70,920 வாக்குகள் பெற்று தோல்வியை தழுவினார்.
