நடிகர் கமல்ஹாசன் அரசியலுக்கு வருவார் என இயக்குநர் சீனுராமசாமி தெரிவித்துள்ளார்.
இதுகுறித்து தனது ட்விட்டர் பக்கத்தில் பதிவிட்டுள்ள அவர், ’நடிகர் கமல்ஹாசனை அமைச்சர்கள் ஒருமையில் பேசுவது வருத்தமளிக்கிறது. கமல்ஹாசன் அரசியலுக்கு வருவார். இது எனது கணிப்பு’ என கூறியுள்ளார்.
கேளிக்கை வரியில் ஊழல்கள் நடப்பதாக கமல்ஹாசன் கருத்து தெரிவித்து இருந்தார். இதனை தொடர்ந்து கடந்த சில நாட்களாக தமிழக அமைச்சர்கள் கமல்ஹாசனை கடுமையாக விமர்சித்து வருகின்றனர். இதனிடையே கமல்ஹாசன் அரசியலில் களம்காணும் விதமாக டிவிட்டரில் தொடர்ந்து பதிவிட்டு வருகிறார். இந்நிலையில் அவருக்கு ஆதரவாக நடிகர் பார்த்திபன் நேற்று வாட்ஸ்-அப் வீடியோ ஒன்றை வெளியிட்டு இருந்தார். இந்நிலையில் சீனுராமசாமி கமல்ஹாசனுக்கு ஆதரவான கருத்தை பதிவிட்டு உள்ளார்.
