மதுரையில் நடைபெறவுள்ள கமல்ஹாசனின் முதல் அரசியல் மாநாட்டிற்கு இடம் தேர்வு செய்யப்பட்டுள்ளது.
அரசியல் களத்தில் குதித்துள்ள நடிகர் கமல்ஹாசன், அதற்கான தீவிர பணிகளில் ஈடுபட்டு வருகிறார். வரும் 21ஆம் தேதி ராமேஸ்வரத்தில் உள்ள அப்துல்கலாம் இல்லத்தில் தனது அரசியல் பயணத்தை தொடங்கும் அவர், அன்றைய தினமே மதுரையில் தனது முதல் அரசியல் மாநாட்டை நடத்துகிறார். இதற்கிடையே கமலின் அரசியல் பயணத்திற்கு நாளை நமதே என பெயர் சூட்டப்பட்டது.
முதல் மாநாடு மதுரையில் நடைபெறும் என அறிவிக்கப்பட்டதே தவிர, மதுரையில் எங்கு என்பது உறுதி செய்யப்படமால் இருந்தது. இந்நிலையில் அரசரடி பகுதியில் உள்ள யூசி மைதானம் கமலின் முதல் அரசியல் மாநாட்டிற்கு தேர்வு செய்யப்பட்டுள்ளது. பிரம்மாண்ட மைதானமான இங்கு, மாநாடு நடைபெறும் தினத்தன்று சுமார் 1 லட்சம் பேர் கூடுவார்கள் என கமல் ரசிகர் மன்றத்தினர் எதிர்ப்பார்க்கின்றனர்.
