தமிழகத்தில் கடைசி நாள் தேர்தல் பரப்புரையை மாலை 7 மணிவரை மேற்கொள்ள தேர்தல் ஆணையம் அவகாசம் நீட்டித்து அனுமதி அளித்துள்ளது.
தமிழகத்தில் ஏப்ரல் 6-ஆம் தேதி தேர்தல் நடைபெறும் என தேர்தல் ஆணையம் அறிவித்ததிலிருந்து, அனைத்துக் கட்சிகளும் தங்கள் கூட்டணிகளுடன் இணைந்து தங்கள் தொகுதிகளிலும் பரப்புரைகளில் ஈடுபட்டு வருகின்றன. தேர்தல் விதிமுறைகளில் குறிப்பிட்டுள்ளபடி வழக்கமாக மாலை 5 மணிக்கு பரப்புரைகளை முடிக்கவேண்டும்.
மேலும் தேர்தலுக்கு 48 மணிநேரத்திற்கு முன்பாக அனைத்துக் கட்சிகளும் தங்கள் பரப்புரைகளை முடித்துக்கொள்ளவேண்டும் என தேர்தல் ஆணையம் அறிவித்திருந்தது. எனவே தமிழகத்தில் ஏப்ரல் 4ஆம் தேதி மாலை 5 மணிக்குள் பரப்புரைகளை முடித்துக்கொள்ளவேண்டும் என கூறியிருந்தது. இந்நிலையில் பரப்புரையின் அவகாசத்தை 2 மணிநேரம் நீட்டித்து தேர்தல் ஆணையம் அனுமதி அளித்துள்ளது.
